Non piangere perché é finito....sorridi perché é successo !

HVERNIG...

Fri, 07 Aug 2009 23:03:48 GMT

...er alltaf hægt að fá það út að ALLT sé alltaf MÉR að kenna !
Að það hafi alltaf verið ÉG sem sagði eitthvað vitlaust?
Að það hafi verið ÉG sem gerði eitthvað rangt !
Það er bara alltaf þannig ! Eitthvað gerist og það er sko POTTÞÉTT Sunnu að kenna !!

...óþolandi...

Mánudagurinn, 24. nóvember

Mon, 24 Nov 2008 22:00:29 GMT

Hvað er í gangi???

....er bara allt að verða vitlaust? Ég er farin að hallast að því. Nú stendur yfir fundur í Háskólabíói þar sem almenningur leitar svara hjá ríkisstjórninni og hæstráðendum. Vonum bara að eitthvað komi nú útúr því. Verð þó að játa að ég held að það sé ekki rétt að fara að kjósa aftur núna...þetta er allt í rugli og hvað á nýtt fólk að gera...það getur ekki gert neitt meira en hinir....það er allt í rugli og verður það næstu vikur og mánuði ! Þetta er það eina sem maður heyrir allan daginn út og inn:frown: Og þó að kreppan snerti mig og flesta íbúa Hellu ekki mikið þá verður bara svo þreyttur og stressður eitthvað....þreyttur á að heyra EKKERT annað í fréttum, vita EKKERT um hvað málið snýst eða hvað sé rétt eða rangt eða guð má vita hvað fleira ! Þess vegna ætla ég sko að einbeita mér að gleði og kærleika. Fór að hugsa um þetta eftir að ég fór til kvöldguðþjónustu í Þykkvabæ í gærkvöldi. Sérann kom með líka svona góða hugleiðingu um akkúrat þetta. Hvað fólk væri þreytt, stressað og uppfullt af neikvæðum tilfinningum og sagði hvernig við gætum komið okkur í "betri" stöðu innra með okkur og hjálpað öðrum. Þó ekki væri nema að reyna að brosa sem oftast á dag, en með því getum við smitað aðra af okkar ánægju og gleði :D ohh hvað ég er orðin háfleyg og dramatísk eitthvað;) eeen þetta er samt satt !

En af mér er nú það að frétta að ég er komin í vinnu á Pósthúsinu á Hellu fyrir hádegi og svo er ég bara í sundlauginni þegar vantar og um helgar. Mér líkar þetta nú bara alveg ágætlega...þó þetta sé nú ekki mikil vinna er þetta samt vinna :) jákvæð hugsun 8) Nú svo er ég að klára fjarnámið mitt núna, EFN 103 og á að taka próf núna í desember...úff...sjáum nú til hvernig það fer :s eeeen þetta kemur allt saman í ljós ! Svo nálgast nú jólin :haha::haha::haha: vááá er ég SPENNT ! ;) híhí
En svo vil ég nú ÞAKKA ykkur alveg líka svona mikið kærlega fyrir góðar viðtökur og ég vona að þetta hafi ekki verið eitthvað svona "einu-sinni", en nú er bara að halda þessu uppi og vera dugleg að koma til mín kveðju :) þá verð ég svooo ánægð :haha:
Jæja, blessuð í bili
-Sunna-

Mánudagurinn, 10. nóvember

Mon, 10 Nov 2008 22:53:22 GMT

Jæja, jæja og þá nálgast...

...JÓLIN ! ekki nema aðeins 44 dagar. Verð að viðurkenna að ég er eins og lítill krakki..
er gjörsamlega að farast úr spenningi eftir þessum hátíðlegasta tíma ársins !
Elska allt við jólin...allt er svo hátíðlegt, tala nú ekki um þegar það er silkimjúkur snjór yfir
öllu ! Seríurnar lýsa upp skammdegið og æi allt verður svo fallegt. Eitt hefur mér þó
fundist leiðinlegt við jólin...allt stressið ! Stressið við það að kaupa allar gjafir, stressið við að gleyma einhverju og stress yfir öllu mögulegu sem ekki ætti að skipta máli ! Það verður því oft þannig að sá mánuður sem á að tákna boðskap og frið gengur út á að fólk fer á yfirsnúning og stressast allt upp, verður þreytt og búið á því...ÁÐUR en jólin koma. Núna í ár vona ég svo heitt og innilega að fólk staldri aðeins við. Nú er náttúrlega kreppa og allir áhyggjufullir..kannski heldur meira en við ættum að vera. Fjölmiðlarnir hafa matað ofan í mann að nú sé tíminn til að rækta fjölskylduböndin og hlúa að ættingjum og vinum. Og eins og góð kona sagði: ,,hvað í ands... heldur þetta lið að við höfum verið að gera síðustu ár" :) hehe ! En ég vona samt að fólk geti þá kannski bara minnkað gjafirnar í ár...ekki eyða mörg þúsundum í hverja gjöf og gefa þess í stað bara eitthvað lítið og fallegt...því eins og við vitum er það hugurinn sem gildir:!: Og vonandi minnka þá allavega peningaáhyggjur og fólk getur notið desembermánaðar betur. Fjölskyldan geti saman búið til jólakort, pakkað inn gjöfum, bakað smákökur fyrir aðventuna og virkilega slappað af og fundið fyrir friðinum og gleðinni sem þessi tími á að boða ! Váá nú er ég búin að koma þessu öllu frá mér en eins og glöggir lesendur sjá er ég komin í jólagírinn og er komin á fullu í jólakort og annað stússerí :haha:
Annars er ég bara atvinnulaus þessa dagana en hef þó sótt um á tveimur stöðum og bíð nú eftir svari. Hef þó verið að taka aukavaktir í sundlauginni, en annars er ég bara "heimavinnandi húsmóðir" líkar það líka bara ágætlega :)
Jæja læt þetta nægja í bili...og þú sem ert að lesa þetta..máttu ekki sjá af í mesta lagi 2 mínútum til að kvitta fyrir innlitið?? ertu í stressinu og í hópi þeirra fólks sem alltaf er að flýta sér og hefur ekki tíma til að gleðja vini sína með nokkrum orðum???

Maður hlítur að spyrja sig....

- Sunna -

Miðvikudagurinn, 24. september

Wed, 24 Sep 2008 17:09:06 GMT

Þvílíkt langt síðan síðasta blogg var ritað....

....og ég ætla ekki einu sinni að reyna að afsaka mig eitthvað ! Þetta hefur verið bara pjúra leti í mér ef ég á að segja alveg satt :$ En nú er semsagt sumarið liðið og haustið gengið í garð með öllum sínum lægðum, hífandi roki og grenjandi rigningu. Og sumarið leið nú ekkert smá hratt. Það byrjaði allt með æðislegri utanlandsferð til Spánar með allri fjölskyldunni og tókst sú ferð alveg með eindæmum vel, allir mjög sáttir og frábært veður allan tímann. Nú svo var sundlaugin lokuð í júní svo ég fékk lengra frí en ég lagði upp með og ekkert nema gott um það að segja :D Júlí dundi svo á með Landsmóti hestamanna og öllu því brjálæði sem fylgdi, aðsóknarmet í laugina slegið á hverjum degi ! hehe ! Síðasti "hápunktur" sumarsins var svo auðvitað Þjóðhátíð í eyjum með allri sinni dýrð og þvílík skemmtun sem það nú var ! Og auðvitað allir sammála...Palli stóð uppúr án nokkurs efa ! Ég nenni svo ekki að tala meira um sumarið, þannig að þetta verður bara að duga :haha:
Svo er ég nú búin að segja upp starfi mínu í sundlauginni og átti að hætta 1. sept. en vegna manneklu í september framlengdi ég vinnuna út september. Ég ætla nú samt eitthvað að vinna í lauginni um helgar í vetur en ég verð ekkert á virkum dögum, sem verður í fyrsta skipti í yfir 3 ÁR !!! jeminn, hvað tíminn líður ! En þetta hefur nú verið meiri hausverkurinn....og er ENN ! Ég er nefnilega ekki búin að finna mér neina íbúð, þar sem ég er bara að fara ein að leigja og það kostar nú sitt :evil: og ekkert að frétta af vinnumálum þannig að mín er í "bobba". Og þar sem síðasta vaktin mín er NÆSTA þriðjudag er mín í STÓRUM "bobba" :!::!::!::!:8|
Þannig að ef einhver veit um íbúð eða vantar leigjanda er ég alltaf til :p
Hef þetta samt ekki lengra í bili...vona að það sé ennþá einhver sem kíkir hérna inn eða ég fer að gráta :cry:

Kv. Sunna

Fimmtudagurinn, 29. maí

Thu, 29 May 2008 22:52:33 GMT

Jarðskjálfti...

...varð á milli Hveragerðis og Selfossar rétt um 4 leytið í dag. Skjáltinn mældist á bilinu 6,1 - 6,3 á Richter-kvarða. Þetta er víst skjálfti á sömu stærðargráðu og var hérna á Hellu árið 2000. ,,Því miður" fann ég ekki þann skjálfta þar sem ég var stödd á Spáni. Og í þetta sinn fann ég náttúrlega ekki þennan sterka skjálfta þó að hann hafi vissulega fundist hérna á Hellu. Margir voru mjög hræddir og ég bara skil ekki þessa tilfinningu því ég hef ekki upplifað þetta áður, hef ekki horft á húsið mitt í rúst þar sem búið var að taka mest til þegar við komum aftur heim.
Samt verð ég að segja að ég er svona ,,hálfsvekkt" yfir því að hafa ekki fundið þessa skjálfta svona sterka, bæði árið 2000 sem og núna. Auðvitað skil ég að allir verða frekar pirraðir þegar ég segi þetta en þar sem ég hef nú svolítinn áhuga á jarðfræði og því sem er að gerast í jörðinni þá er þetta svekkjandi. Auðvitað langar mig ekki að standa inní húsi sem er við það að hrynja, en að fá að standa bara úti og finna þennan gífurlega kraft sem hristir jörðina ! Það er ábyggilega rosalegt ef maður getur hugsað þetta svona eins og ég...en bara pælingar.
Dagurinn í dag snerist að mestu leyti um þetta, við lokuðum lauginni og fengum þess vegna bara frí og fórum ég og mútta í mat hjá Guddu og svo erum við bara búnar að sitja hérna í eldhúsinu að spjalla. Pabbi kemur heim frá Þýskalandi á morgun og svo er vika í spán.
En svona önnur jarðskjálftapæling....mér finnst bara rosalega skrítið að skjálftarnir árið 2000 og núna í dag voru að mjög svipaðri stærð, riðu báðir yfir um 4 leytið, riðu báðir yfir þegar það var sól og blíða og árið 2000 var ég á Costa del Sol og núna eftir viku er ég aftur að fara á Costa del Sol og meira að segja á sama hótel !!! Verð nú bara að segja að mér finnst þetta bara frekar FREEKY !
En ég er farin út að labba :haha:
See you later

Miðvikudagurinn, 28. maí

Wed, 28 May 2008 22:13:15 GMT

Vá hvað ég er dugleg !

Ekki bara það að ég sé búin að vera bloggSTJARNA það sem af er viku heldur er ég búin að vera svo dugleg og aktív í ræktinni uppá síðkastið. Fer alltaf í ræktina á hverjum morgni, vinn svo svona nánast hvern einasta virka dag alla vega, hjólað eftir vinnu og svo göngutúr eftir það :haha: hvernig lýst ykkur á?? Og maður finnur sko ekkert smá mikinn mun á sér skal ég nú segja ykkur !
Annars var dagurinn í dag frábær, æðislegt veður og hægt að sitja úti í sólinni í vinnunni...mmmm...elska það ! Svo ég tali nú ekki um að pottakarlarnir sem mæta ákveðin kvöld 3x í viku mættu bara EKKI í kvöld og við Vigga bara búnar FYRIR 9 !
Elska það líka :klikk:híhí þið fattið semsagt...ekki koma í sund rétt fyrir lokun :haha: hehe
Framundan er svo vinnudagur á morgun og svo frí föst, laug og sun :þ kærkomið já !
Eftir helgi eru svo einhver námskeið, sundpróf, starfsmannafundur og svo er bara að koma að því að ég skelli mér út....8 dagar 8) Verð nú að segja að með aldrinu og eftir því sem ferðunum fjölgar til sólarlanda þá hættir manni að hlakka jafn mikið til og þegar maður var yngri NEMA núna :!: Þar sem veturinn var svona grútleiðinlegur þá er ég sko eins og 5 ára krakki að bíða eftir að fá að opna pakkana á jólunum ! Gjörsamlega að drepast úr spenningi :) hehe en hvað um það...göngutúrinn bíður :haha:
See you later...það er á morgun ;)

Þriðjudagurinn, 27. maí

Tue, 27 May 2008 23:00:44 GMT

Jeminn var ég hrædd?...
...Birna var að enda við að lita á mér hárið og ég var sko á nálum allan tímann. Þar sem ég þjáist af mikilli fullkomunaráráttu í sambandi við hárið á mér þá tók þetta mikið á andlega ! En þetta hafðist nú þótt ég sé frekar mikið dökkhærð en það lagast og svo klippti mamma aðeins og ég var bara nokkuð sátt við breytinguna. Ákvað að framkvæma "heimalitun" þegar ég veit að það að lita á mér hausinn kostar svona 10 þúsund kall ! og þar sem ég er nú að halda til Spánar eftir aðeins 9 DAGA :haha::haha::haha: þá tými ég ekki að borga svo mikið fyrir eitthvað sem á eftir að upplýsast strax !
Annars var annar viðburðalítill vinnudagur í dag, en veðrið var samt æðislegt og er enn :) Elska þegar er svona bjart langt frameftir kvöldi :!:
Annars lítið að frétta...eins og vanalega, þannig að ég er að spá í að hætta þessu bulli núna og koma mér út í göngutúr áður en ég fer að sofa !
See you later !

P.s. Hafiði séð nýjasta myndbandið með Leoncie? "Enginn þríkantur hér" ? Það er AÐEINS of fyndið ! haha mæli samt með því til að brosa og lífga uppá daginn :haha:

Mánudagurinn, 26. maí

Mon, 26 May 2008 22:45:41 GMT

Vóvóvó sjáið bara hvað ég er orðin dugleg að blogga....það virðist samt engin vera að skoða þessa síðu lengur þar sem kommentin eru ekki að hrúgast inn eins og ég bjóst við, eeen það vonandi kemur síðar :)
En semsagt enn einn vinnudagur á enda. Jeminn, þetta var sko einn af erfiðari dögunum ! Ekki það að það hafi verið eitthvað brjálað að gera, enda ekki hægt að búast við því hérna á Hellunni, en váá hvað ég var þreytt ! Skil nú ekki alveg eftir hvað en ég átti svo bágt með mig að mig langaði að grenja ! Augun vildu bara EKKI haldast uppi. Þannig að í matartímanum tók ég góðan göngutúr til að reyna að hressa mig upp, það virkaði..ekki :!:
Annars er dagurinn bara búinn að vera fínn, byrjaði á því að fara í ræktina og svo í golf með Birnu. Talandi um það ! Þessir vallarstarfsmenn þarna í golfklúbbnum...ég á bara ekki til orð ! Ég held að þeir sitji um mig og alltaf þegar ég ákveð að koma í golf, fara þeir að vinna á öllum brautum og öllum green-um sem ég er á !! Hélt ég yrði ekki eldri í morgun ! En jáhh...góð saga ;)
Pabbi fór svo til Þýskalands í nótt með einhverjum köllum í vinnunni, þetta er svona ferð sem kallast "vinnuferð" :haha: hehe ! Jæja er þetta ekki gott í bili? Ef einhver er að lesa þetta þá má hann alveg endilega kvitta sko :) það má....
----> eftir 10 daga verð ég á huggulegum veitingastað á Costa del Sol 8)

Sunnudagurinn, 25. maí

Sun, 25 May 2008 23:24:43 GMT

Jæja þá er enn ein helgin liðin. Á föstudaginn var bara unnið á fullu til 9 og síðan var skellt aðeins í sig og haldið í útskriftarpartý hjá Árna. Ætlaði mér nú aldrei að stoppa eitthvað lengi en eins og vanalega brást það og mín ekki komin heim fyrr en rúmlega 5 !8| En laugardagurinn fór svo líka í útskriftarveislu hjá henni Fjólu minni, til hamingju með það elsku vinkona ! Um hálf 7 skelltum við Birna okkur svo heim og buðum nokkrum stelpum yfir og horfðum á Eurovision. Mér fannt okkur ganga nú bara alveg ágætlega, ég var nú búin að lofa sjálfri mér að stíga ekki fæti aftur á Danmörk ef við fengjum ekki 12 stig frá þeim og auðvitað stóðu Danir sig og gáfu okkur fullt hús stiga ! :haha: Annars var voðalega lítið að gerast á Hellu...get ekki sagt að það komi eitthvað á óvart....get ekki beðið eftir að komast eitthvað í smá "líf" ! Þannig að eftir langan rúnt var farið að sofa að verða hálf 5 :)
Sunnudagurinn fór svo bara í leti, Birta og krakkarnir kíktu í heimsókn og við eyddum mestum deginum á pallinum að sleikja sólina ! :haha: Ohh...get ekki beðið eftir að fara til Spánar ! aðeins um 10 dagar :) en jæja Grey's er að byrja :)
Heyrumst - sjónvarpssjúklingurinn - ;)

Ég veit, ég veit...

Mon, 19 May 2008 20:25:07 GMT

....alltof langt síðan ég skrifaði síðast ! :^) En já semsagt þá er mín bara útskrifuð og búin með skólann. Er á fullu að vinna núna í sundlauginni á Hellu og er það nú bara svona lala...þrátt fyrir alveg ómannlegar vaktir :evil: En ég fæ nú engu ráðið um það frekar en fyrri daginn !
Hvað hefur svo gerst þessa fyrst tæpa 5 mánuði ársins?? Voðalega lítið verð ég að viðurkenna...jújú þarna voru afmæli, þorrablótið auðvitað ;) , páskarnir og svona þetta helsta bara. Svo í maí, þann 5, varð ég svo 21 árs ! vá get ekki trúað því hvað tíminn líður hratt ! ótrúlegt !!! Strax orðið ár síðan ég og Allý héldum uppá tvítugs afmælið með stæl :þ
Framundan í sumar er svo margt og mikið ! Ég byrja nú á því að fara til Spánar að ná mér í smá sól ! Vá get ekki beðið eftir að liggja bara í leti allan daginn og hreyfa mig ekki nema til þess að teygja mig í kokteilinn :haha: haha ! Það verður ekkert smá stuð og ég er eins og 6 ára krakki að bíða eftir jólunum ég er svooo spennt !! :) En svo er náttúrlega útilegur, "efri-Holta" hátíð, ÞJÓÐHÁTÍÐ !! :haha::haha::haha: vááá verður það geðveikt !! Nú og svo er framtíðin eftir það alveg óráðin :s veit ekkert hvað ég á að gera ! Það eru svona nokkrir möguleikar, gæti farið til Svíþjóðar, nú eða í einhvern skóla eða bara flytja í bæinn að vinna....veit í alvöru ekkert hvað ég ætla mér...og svona ykkur að segja er ég að verða geðveik á því !!!
En jæja ég ætla nú að reyna að fara að endurvekja þetta blogg aðeins...sjáum hvernig það gengur...kvitt takk..ef einhver er ennþá að skoða þessa síðu :)

Sunsy

Jólin að koma og útskrift á morgun !

Fri, 21 Dec 2007 00:54:58 GMT

Jæja ! Ég sagðist ætla að blogga fyrir útskrift og það er ekki seinna vænna en að gera það núna þar sem útskriftin er á morgun :) úff, þetta er í alvörunni að gerast !!

Kláraði prófin með stæl þetta árið og fékk meira að segja tvær 10 :) nokkuð ánægð með barasta :haha: hehe en jámm semsagt þá er ég búin að vera að jólastússast síðustu viku, er búin að gera öll mín jólakort, búin að kaupa alla pakka og pakka inn og lítið eftir nema að bíða eftir aðfangadegi :!: Þetta líður sko ekkert smá hratt ! finnst ég nýbúin að halda uppá tvítugsafmælið mitt og það var sko í MAÍ ! Og nú er útskrift á morgun, tiltekt og afmæli hjá afa á laugardaginn, þorláksmessa á sunnudaginn með tilheyrandi hefðum og svo bara aðfangadagur ! þetta verður enga stund að líða og svo verða jólin komin og farin áður en við náum að stoppa og átta okkur á því hvað er eiginlega að gerast, og fyrr en varir er ég orðin 30 eða eitthvað :P hehe

Í dag, og svona síðustu daga, erum við búin að vera að undirbúa stúdentaveisluna, hún verður í Golfskálanum og ca. 40 manns boðið. Búin að kaupa mér útskriftarkjól, húfan komin í hús, skartgripir og skór á sínum stað og bara allt að verða ,,ready" :!: Eins og ég sagði nú í síðustu færslu svona fyrir ykkur sem nennið að lesa :P þá var ég nú svoldið smeik við þetta allt saman, vera að klára og ekki með nein plön fyrir framtíðina og vita svona bara nokkurn veginn EKKERT í minn haus ! En verð samt að viðurkenna að núna er ég orðin bara frekar spennt yfir þessu öllu :!: :haha: Þegar maður sér hvað salurinn er orðinn fínn, hvað allir eru að leggja sig fram við að hjálpa við undirbúninginn, maturinn allur að verða tilbúinn og allt einhvern veginn að falla á réttan stað....þá er þetta bara helvíti spennandi :D

En jæja þar sem klukkan er nú að verða 1 og ég þarf að vera ELDhress, ELDsnemma í fyrramálið og mæta voðalega sæt og ,,ómygluð" í myndartöku þá er ég nú barasta að spá í að fara að leggja mig :) Vil þakka kærlega fyrir góðar undirtektir í kvittun í síðustu færslu og nú býst ég við sama áhuga á að kvitta og síðast :) Ef ég blogga ekki fyrir jól þá bara óska ég ykkur gleðilegra jóla og vona að þið hafið það gott yfir hátíðirnar !

Sunsy....... ,,stúdent" :haha:

Dimmission, jólaundirbúningur og PRÓF !

Mon, 03 Dec 2007 20:46:32 GMT

Jæja kæru lesendur....ef það eru þá einhverjir lesendur eftir :( ég veit, ég veit...blogga of lítið ! en ég skal alveg lofa ykkur að eftir áramót þá blogga ég meira...þá er skólinn búinn og þið getið lesið um mitt innihaldslausa líf :D

En það sem hefur nú svona helst á daga mína drifið er t.d. dimmitering :) jeminn var gaman? og var mikil ölvun á fólki??.....JÁ :!: við byrjuðum í gesthúsum klukkan 6 á föstudaginn síðasta ;) hehe "smá" snemma til að byrja drykkju en þetta varð allt í góðu :P nú svo var skólinn heimsóttur kl 9 og ég get nú staðfest það að fólk var alveg orðið VEEEEEL í glasi þá 8| úff sko ! en við skemmtum okkur alveg rosalega vel og...hehe....gerðum okkur að svona frekar miklum fíflum :) en það er nú bara gaman af því :D svo var bara pizza og farið í óvissuferð. Hún byrjaði á magadans sem mér fannst nú ekkert sérstaklega gaman en alltaf hægt að finna sér eitthvað skemmtilegt að gera :!: haha en svo var það einhver leikur niður laugaveginn þar sem við áttum að gera einhver atriði....t.d. að láta fólk syngja og fá aðra eða gera sjálf eitthvað heimskulegt :) Það gekk nú bara alveg þokkalega :D haha ! Að lokum fórum við að borða á Players og er hægt að segja að heilsan hjá sumum hafi verið aðeins verri en hjá öðrum :haha: ! Eftir mat var svo haldið heim á leið og fóru nokkrir á Kríuna þar sem var víst hörkustuð frameftir nóttu en þar sem við þol var svo gjööörsamlega búið þá fór ég heim !

En á heildina var þetta alveg svakalega gaman og útskriftarhópurinn hress sem aldrei fyrr :haha: Og núna er skólinn búinn.....er ekki búin að meðtaka það að ég þurfi aldrei aftur að mæta í FSu og "fara í skólann"...allavega ekki í þessari stofnun ! Þarna hef ég átt 3 og hálft ár og get ég nú sagt að þessi ár hafi verið bara mjög góð ! Ég hef kynnst frábæru fólki sem ég mun aldrei gleyma ! Vááá...týpískt ég að fara eitthvað að sjá alltaf sorglegu og væmnu hliðina á öllu ! haha..meðan allir hinir hoppa hæð sína af gleði að þetta sé búið þá er ég eitthvað vælandi hér, því mér finnst svo sorglegt að þetta sé allt saman búið :cry: En svona eru nú menn misjafnir :) hehe :haha: Líka svo óþægilegt að vera að klára skólann og vita nákvæmlega EKKERT hvað maður ætlar að gera eftir það :S

Nú eru prófin byrjuð og er ég aðeins meira en hálfnuð....er reyndar búin með 3 próf sem ég tók í síðustu viku og svo eru bara 2 eftir, Saga 203 á föstudaginn og svo fjarnámspróf sem ég ætla að taka hér á Hellu 13 des...þannig að síðasta skiptið sem ég læri eða tek próf í skólanum verður á föstudaginn....váááá byrja ég aftur !! ég er HÆTT......:(

En JÓLIN ! það ætti að hressa mann aðeins...eða stressa....:S ég hef nú aldrei verið komin jafn langt með jólagjafirnar....ekki hálfnuð :) haha en samt komin frekar langt :) og svo ætlar mín bara að vera snemma í því með jólakortin svo ég standi einhverntíma við loforðið mitt að : ,,vera nú snemma í því næsta ár" haha ég er manneskjan sem er að klára allt á þorláksmessu og kortin mín koma ekki fyrr en mánuði eftir jól :)....svona næstum því ! Vá ég held að það sé nokkuð langur tími síðan ég hef skrifað svona almennilegt blogg :haha: bara gaman af því ! þess vegna ætla ég að vona að einhver sé að lesa þetta.....svo þið verðið að kvitta, svo ég sjái hver er að lesa ennþá og missir ekki trú á mér :D en jæja ég ætla að segja þetta gott í bili ! Blogg again soon :) allavega fyrir útskrift :S ohh skólinn...... ;) :lol: hehe

Sunsy - ....OUT

Eigum við að ræða það eitthvað ???

Thu, 18 Oct 2007 21:09:11 GMT

Nei hélt ekki ! svo við sleppum því að ræða hvað ég er búin að vera ótrúlega og yfirnáttúrlega léleg í þessu :( :!:

Eeeen þetta er svona það helsta uppá teningnum....nú er farið að halla á síðari hluta október og það fer að styttast í dimmiteringu og svo náttúrlega útskriftina mína úr þessum blessaða framhaldsskóla :!: er nú að vissu leyti fegin að vera að klára þetta en samt þá væri ég alveg til í að vera þarna smá í viðbót...af því að ég veit bara ekkert hvað ég á að gera eftir þennan skóla og það eru svo margir áhugaverðir áfangar sem mig langar að taka en hef ekki komið mér í ennþá :!: En eins og ég segi þá verður það nú samt góð mjööööög góð tilfinning að setja upp "the white...uuu....húf " og klára þetta :D shit hvað ég er góð í ensku..haha enda stúdent hér á ferð :haha: híhí

Það er nú búið að vera að kitla mig aðeins að fara í bæinn eftir áramót, flytja af heiman, þurfa að hugsa um mig sjálf og sjá fyrir mér með vinnu ! Væri líka mjög gott að fá smá frí frá þessu samfélagi hérna á Hellu....þó auðvitað séuð ÞIÐ öll frábær :) híhí :!: En svo er það náttúrlega hitt....það er að segja að vera bara hérna áfram með frítt fæði og húsnæði og moka pjéningum inná banka svona allavega framá haust.....ohh er að verða crazy...hef ekki hugmynd hvað ég á að gera ARG ! :evil:

Er það svo Reiðhallarball um helgina eða??? Ég er farin að hallast að því :) En verð að þjóta og í þetta skipti lofa ég að skrifa fljótlega aftur !! (og þá er það ekki svona loforð eins og ég er búin að segja í hverri færslu og svíkja...;) heldur ALVÖRU loforð :!: )

Plís kommentið nú og sýnið lit eins og ég :haha: ---------> Sunsy :)

JE BEIBÍ !! allir á ball :)

Heyrðu já....hérna á ég síðu :)

Wed, 22 Aug 2007 15:34:02 GMT

Ég veit, ég veit ! ég er búin að vera ógeðslega léleg að blogga....ekkert bloggað síðan í maí eða eitthvað ! en nú ætla ég að bæta úr því :)

Sumarið var ágætt hjá mér....alveg nóg að gera :) Í júní byrjaði ég á morgunvöktum í sundlauginni og verð ég nú að segja að sú breyting var kærkomin...vera ekki alltaf að vinna á kvöldin !! Þann 16 júní hélt ég síðan sem fararstjóri til Ítalíu í eina viku með Nínu og kórnum hennar ! Þetta var rosalega vel heppnuð ferð þó ég segi nú sjálf frá og held ég bara að flestir hafi skemmt sér konunglega ! Ég var síðan einni vikur lengur þar sem ég heimsótti fjölskylduna mína og vini til Arco og Rovereto :D ótrúlega gaman að sjá þau aftur öll sömul !!

Júlí var svo alveg rosalega fínn líka ! Kom heim í þetta líka bongó-veður og sólin lék við landann ! Byrjaði aftur að vinna og síðan var bara unnið hörðum höndum og slett ærlega úr klaufunum þess á milli ;) hehe

Ágúst kom með allri sinni dýrð....þá á ég við ÞJÓÐHÁTÍÐ Í EYJUM :!::!::!::!::!::!::!::!: VVVÁÁÁÁ hef sjaldan ef ekki bara aldrei skemmt mér jafn vel og þá....var í bílskúr með frábærum stelpum sem gerðu þetta geðveikt !! Allý, Raggzenegger, Arna og Ásdís :) vá þetta var geðveiki ! Nenni samt ekki að fara að skrifa um þetta allt en þið getið kíkt á Þjóðhátíðarblogg á skyttusíðunni ef ykkur langar að heyra mig lýsa þessu betur :haha: haha Nú svo komu Töðugjöld og menningarnótt og bara djamm, djamm, djamm og meira djamm :)

En allt gaman tekur enda og í dag var fyrsti skóladagurinn og er mín sest á þennan heldur "þreytta" skólabekk og verð þar þangað til í Desember þegar ég hleyp full um gangana í einhverjum búning, knúsandi kennara og samnemendur , set upp hvíta hattinn og HLEYP í burtu !!! úff get ekki beðið !! :haha: en jæja ætli ég segi þetta ekki gott í bili....verð svo duglegri í vetur !! LOFA !

Sunsy

AFMÆLI + PARTÝ ALDARINNAR !!

Mon, 07 May 2007 01:26:10 GMT

Jæja þá er loksins kominn maí og það þýðir bara eitt að minns á AFMÆLI :):):) jamm ég er bara orðin tuttugu ára....20 ára.....tvítug !! shit sko...þetta er allt eitthvað svo asnalegt :S haha !

En já, dagurinn byrjaði á afmælisgjöf frá nánustu fjölskyldu og fékk ég m.a. nýtt golfsett, nýja myndavél, gjafabréf til Ólafar, hring, glös, föt og ég veit ekki hvað og hvað. Hélt nefnilega svona smá "brunch" (árbít fyrir þá sem ekki eru það færir í enskunni ;) ) en síðan um kvöldið var sko PARTÝ ALDARINNAR ! Ég og Allý skyttusystir semsagt héldum uppá afmælið okkar saman og var það haldið á Brúarlundi ! Við vorum með FULLT af mat, FULL af fólki og auðvitað FUUUUULLT af áfengi ;) hehe :!: Ekki var svo verra að heyra frá Perú í henni Írenu minni ! vá ég varð svoooo ánægð !! TAKK :!: Ég verð nú bara að segja að þetta tókst allt saman bara svona líka vel og ég gæti bara ekki verið ánægðari með þetta allt saman ! Fengum alveg fullt af gjöfum, MIKIÐ af áfengi eitthvað um 8-9 flöskur á kjaft, úr, listaverk, skartgripi, hehemm....eitthvað meira "dót" ;) haha og svo fullt, fullt meira....vá sko bara rosalega mikið TAKK FYRIR MIG ! ótrúlegt hvað ég fékk mikið !! TAKK

Svo núna í dag erum við Skytturnar 3 ásamt Drífu og Helgu búnar að vera að þrífa og bara vafrast....var að koma inn frá Unnsý...vorum að horfa á Desperate og OC en nú kemur að ástæðu þess að ég bloggaði.....kom nefnilega inn og kveitki ljósin og sá ALLAR gjafirnar sem ég fékk í gær og ég er ekki að grínast...mig langaði bara til þess að gráta sko ! Ég fór að skoða allt aftur sem ég hafði fengið og í alvöru þá sá ég bara þá hvað ég hef það í alvöru GOTT ! Ég á svo rosalega, ótrúlega, fáranlega mikið af frábærum vinum sem virkilega þykir vænt um mig ! Og svo ég hljómi nú smá væmin þá bara gæti ég ekki verið heppnari, hefur sjaldan liðið jafn vel að vita af öllu þessu góða fólki sem hugsar til manns ! Elska ykkur öll svo ótrúlega mikið !!!! Ætla nú að hætta þessu væmnistali áður en ég fer sjálf að grenja...varð bara að láta ykkur vita að ég met þetta svo mikils !!

Þetta er búin að vera frábær helgi og æðislegasti afmælisdagur til þessa ! Takk fjölskyldan mín, skytturnar mínar Allý og Unnsý, Sigrún, Drífa og Helga, Hugrún og AAAAALLLLLLLLIIRRR sem hjálpuðu mér að gera þessa helgi ógleymanlega eða hugsuðu til mín á afmælisdaginn ! Þið eruð æðisleg !!

Sunsy - afmælisbarn :haha: